इंदापूर: आज सकाळी तिसऱ्या दिवशीही उजनी जलाशयाच्या दोन्ही काठावर बुडालेल्या व्यक्तींचे नातेवाईक व ग्रामस्थ बसून होते.उजनी धरणाच्या जलाशयामध्ये मंगळवारी बोट उलटून झालेल्या दुर्घटनेत बुडालेल्या सहा जणांचे मृतदेह शोधण्यात आज सकाळी राष्ट्रीय आपत्ती प्रतिसाद दलाला यश आले. मात्र त्यांचा पाण्यात बुडून मृत्यू झाला आहे. आज दुर्घटनेच्या तिसऱ्या दिवशी सकाळपासून बुडालेल्या व्यक्तींचा शोध घेण्याची मोहीम सुरू करण्यात आली होती.ज्या ठिकाणी बोट बुडाली होती त्या परिसरात आज सकाळी एका पाठोपाठ एक असे पाच मृतदेह आढळून आले. त्यानंतर सहावा मृतदेह सापडला. सहा जणांचा पाण्यात बुडून मृत्यू झाला असून आज सकाळी तिसऱ्या दिवशीही उजनी जलाशयाच्या दोन्ही काठावर बुडालेल्या व्यक्तींचे नातेवाईक व ग्रामस्थ बसून होते. आज राष्ट्रीय आपत्ती प्रतिसाद दलाच्या जवानांना या व्यक्ती आढळून आल्या मात्र त्या मृतावस्थेत. उजनीकाठ नातेवाईकांच्या आक्रोशाने पुन्हा गहिवरला. भीमा नदी पात्रात बुडालेल्या सहा प्रवाशांचे मृतदेह गुरुवारी सकाळी सापडल्याची घटना समोर आली आहे. दरम्यान, सोमवारी सायंकाळी कुगाव ते काळाशी दरम्यान असलेल्या भीमा नदी पात्रातून एका बोटीद्वारे बोटच्या चालकासह सात जण निघालेले होते. दरम्यान, वादळी वाऱ्यामुळे व नदीतील लाटामुळे बोट बुडाली, त्यातून एक प्रवासी राहुल डोंगरे हे मोठ्या धाडसाने काळाशी गावाच्या काठावर आले तर बोटीतील गौरव धनंजय डोंगरे (वय १६) गोकुळ दत्तात्रय जाधव, कोमल गोकुळ जाधव व त्यांची मुलगी माही व मुलगा गौरव धनंजय डोंगरे, बोट चालक अनुराग अवघडे या सहा जणांना जलसमाधी मिळाली होती. घटना घडल्यानंतर बुधवारी दिवसभर एनडीआरएफ च्या पथकाने दिवसभर शोध मोहीम राबविली. दुर्घटनाग्रस्त बोट शोध मोहिमे दरम्यान सापडली पण बेपत्ता एकही मृतदेह दिवसभरात हाती लागलेला नव्हता, गुरुवारी सकाळी जाधव कुटुंबियातील पती-पत्नी व दोन मुले बोट चालक या पाच जणांचे मृतदेह पाण्यात अर्धवट बाहेर पडलेल्या इनामदार वाडयाजवळ पाण्यावर तरंगताना आढळून आले तर त्यानंतर तासाभराने गौरव डोंगरे यांचा मृतदेह एनडीआरएफच्या पथकाला आढळून आला. या सर्व मृतदेहाची उत्तरीय तपासणी करमाळा येथील उपजिल्हा रुग्णालयात सकाळी करण्यात आली.
वेळी उपस्थित असलेले तहसीलदार शिल्पा ठोकडे यांनी बोलताना सांगितले की, मृतदेहांची उत्तरीय तपासणी झाल्यानंतर सदर मृतदेह कुटुंबियांच्या ताब्यात देण्यात येतील. उजनी पाणलोट क्षेत्रात दळणवळणासाठी वापरल्या जाणाऱ्या बेकायदा बोटिंगची यापुढे नियमानुसार वाहतुकीचा परवाना बोटीत सुरक्षा सामग्री या सर्व गोष्टींची पूर्तता पाटबंधारे खाते व महसूल व पोलीस प्रशासनाच्या नियमानुसार करून सुरू करण्यात येतील.काल दुपारी राष्ट्रीय आपत्ती प्रतिसाद दलाच्या पथकाला जलाशयात बोटीचा ठाव ठिकाणा लागला होता. मात्र पाण्यात बुडालेल्या कोणाचाही शोध लागला नव्हता. बोटीत असलेली एक मोटरसायकल सापडली होती. आज सकाळपासूनच राष्ट्रीय आपत्ती दलाचे वीस जवान तीन बोटीद्वारे शोध घेत होते. काही मच्छीमारांच्या होडीही त्यांच्या मदतीला होत्या. काही स्थानिक बोटीही या मोहिमेत सहभागी झाल्या. छत्तीस तासांच्या अथक परिश्रमानंतर आज बोट दुर्घटनेत सापडलेल्यांचा शोध लागला. मात्र ते मृतावस्थेत आढळून आले. दरम्यान त्यांचे मृतदेह उत्तरीय तपासणीसाठी करमाळा ग्रामीण रुग्णालयात पाठवले असून त्यानंतर नातेवाईकांच्या ताब्यात देण्यात येणार आहेत.